老貓腹部有腫塊

可以在此討論有關貓貓的疾病及護理, 心理及行為的問題

老貓腹部有腫塊

文章dontee » 2012年 9月 16日, 02:15

我家老貓今年13歲了, 7歲時尾部生了一粒腫瘤, 做左第一次手術, 切了約三分一條尾
9歲時, 所剩餘的尾部又出現一粒腫瘤, 今次醫生建議切除整條尾部, 還說這是一個好毒的cancer
今年2月, 老貓突然右腳部份, 佢自己不停用口整甩d毛, 同埋右腳有少少行得不順
照左Xray, 醫生說怕之前cancer virus入左骨, 但睇完片, 他說似骨頭老化, 看不出是cancer入骨
所以當時當皮膚病黎醫, 但一直醫左3個月, 好番佢又整甩過, 直至5,6月先叫做完全好番

近呢兩星期, 胃口不佳, 右腳開始唔掂地, 好多時變左3隻腳行, 當時已預約醫生
見醫生前幾日, 突然摸倒佢腹部有腫塊, 好似不個貢丸咁大同好硬, 心知不妙
到早日見醫生, 那天早上, 老貓仍然用3隻腳行黎行去, 雖然去尿尿已經要分開幾次先去得晒,但都自己去倒廁所
醫生用觸診, 由於過往曾有腫瘤, 所以說已肯定是cancer
由於年紀大, 同不能完全大範圍切除, 而且醫生話佢應該係好痛, 只係忍住, 所以建議我let him go
雖則當日我自己摸倒硬塊, 已經心知不妙, 但見佢仍然周圍行, 亦好大聲叫我, 我唔覺得佢想放棄
於是醫生話佢似缺水, 建議留院吊鹽水做blood test同觀察
我家老貓極度唔喜歡外出及沒有我在場的地方, 不過為左佢健康, 唯有忍痛留院
當日晚上都有去探佢, 見佢仲可以企下郁下, 好似都ok, 當時醫生還沒有說他何時可以回家

到今日上午, 醫院打黎話可能佢太緊張亦唔喜歡吊鹽水, 所以到今早都冇食過野, 同由於佢整晚雙手彎曲
所以結果都係吊唔成, 接到番屋企, 好可怕, 發現佢四肢無力, 連爬的力氣也沒有
我唔知係咪佢身體太weak受唔倒藥定點, 所以先會咁, 奈何護士又係叫我啪左佢

開始俾雲芝佢食, 溝水但佢似乎唔係咁喜歡陣味, 番黎後勉強加水打爛濕糧灌食左少少
而家仲係四肢無力, 同冇力去廁所..... :osigh:
dontee
 
文章: 37
註冊時間: 2012年 9月 16日, 01:25

Re: 老貓腹部有腫塊

文章dontee » 2012年 9月 16日, 21:43

今日force feed叫做食得多過尋日,但四肢仲係冇力,但佢用手同我鬥力,只係冇力企起身
都唔知點解,只係24小時留院,為何會一隻腳冇乜力可企可行,仲可自己去廁所,變做四肢無力連爬都冇力,同唔可以再自己去廁所呢?
因為之前兩日冇乜食野,所以可能冇便便,但如果有食野落肚,都應該會有少少便便
咁有問醫生,護士轉述醫生話,因為個肚的腫瘤關係,係會影響到可能冇力去便便
我再問咁係咪要食藥等佢通便,護士又係話到時叫我啪左佢

我覺得今次hospital冇意思去幫我老貓,只係佢地專業上覺得有腫瘤不能再醫就要啪
所以我諗我唔會再帶佢去覆診,一晚已經攪成咁,都冇諗住為我解決問題只想我老貓解脫....

其實係咪真係會由於腫瘤關係,影響便便呢?
dontee
 
文章: 37
註冊時間: 2012年 9月 16日, 01:25

Re: 老貓腹部有腫塊

文章cat88 » 2012年 9月 17日, 23:31

0甘大件事,1定要搵多1個獸醫睇,先可以CONFIRM咖,點知而家個VET 系咪判對症?當然,我吾系想挑戰獸醫0既專業,但吾系未試過0甘樣,關係到貓0既生死,點可能吾搞清楚? 快D帶去第2個VET度再CHECK。

此外,暫時就當CANCER黎TREAT先,雲芝1定要比,1日2次!!! 行吾到可能系因為痛OR無食0野OR BOTH!!

不能放棄!!!
貓 八 八 上
頭像
cat88
系統管理員
 
文章: 5036
註冊時間: 2008年 3月 28日, 09:49
來自: 火星

Re: 老貓腹部有腫塊

文章cat88 » 2012年 9月 17日, 23:33

仲有,話7歲時有腫瘤,系咪真咖究竟?報告點咖?我有D壞疑0窩,而且而家0甘,個醫生就已經先入為主0甘話CANCER VIRUS SPREAD開入骨,系咪求其左D呀?
貓 八 八 上
頭像
cat88
系統管理員
 
文章: 5036
註冊時間: 2008年 3月 28日, 09:49
來自: 火星

Re: 老貓腹部有腫塊

文章dontee » 2012年 9月 18日, 00:30

謝謝貓八八的回覆

雲芝餵的份量好少, 因為佢似我, 唔中意夾硬塞左入喉都會隔陣就嘔番出黎, 由細到大都係咁
今日買左黑酵母, 開始試食睇下佢受唔受個藥效
諗住聽日去買蟲草, flaxseed oil....放係度, 睇下佢對邊樣野會有反應

到今日都係四肢冇力, 企唔倒, 不過叫做好過星期六番屋企果陣個樣; 當日我真係好驚佢過唔倒果晚架

暫時都唔拎得出街住, 因為今朝諗住收番個裝貓袋, 佢聽見d聲, 以為我又要拎佢去醫院, 嚇到賴尿, 好心痛
佢四肢冇力, 但仍會爭扎, 好怕整親佢

7歲時割左尾尾果粒瘤, 初頭得紅豆咁大, 硬的, 記得果時, 佢成日趁我唔為意就攪, 結果由一粒紅豆咁大成長到直徑有五毛子咁大, 嚇死我
又話動物生肉粒仔好平常, 所以果時即刻book左貓醫院, 果時話個former有好口碑, 點知差一定兩日, 個衰仔包趁我瞓左已經咬爆左粒瘤,攪到周圍血
果時個dr仲會留手提for emergency, 仲記得晨咁早打俾佢, 即刻插隊早診; 就係果時切左三分一條尾, 話拎去外國化驗係cancer

9歲又係剩番條尾度發現一粒紅豆咁大的瘤, 果時dr話要成條尾切晒, 反而呢次我就覺得佢冇再去驗就話係cancer

個dr係貓好出名, 六年前第一次見佢果時, 個感覺係positive的; 但上星期見佢, 就似乎冇左以前果份熱誠囉
佢有講過, 個肚入面舊野可以切, 但要連隻腳都要切埋, 可以整輪椅俾佢平衡, 但佢話貓貓年紀大, 對貓貓唔公平
咁講真, 切走佢條尾, 我已經覺得好對佢唔住, 我唔會連佢隻腳都切走埋囉
佢都有話cancer可做化療, 但佢話成效不大, 同埋話貓貓應該好痛, 所以叫我啪左佢

唉, 望住佢, 真係好心痛, 明明可以最低限度三隻腳四圍行, 自己去廁所
點知一晚留醫, 就攪成咁, 吊鹽水諗住幫下佢, 點知好似害左佢咁

佢瞓係我身邊, 仲有撩我玩, 係冇力企起身, 仲有力去推我隻手指
而家我打爛罐頭餵佢, 叫做食好少, 好多都俾佢整番出黎, 我又唔想太夾硬, 情願分多幾次餵佢, 放假會好少少, 番左工真係冇法子
知佢唔郁得唔開心, 佢中意乾淨, 但而家唔得自己去廁所, 成日d尿尿濕腳, 好唔開心
雖則我知要佢食野, 但都只能適可而止, 又怕佢真係個肚舊野, 會攪到佢冇便便, 都唔知點好....
呢幾日食的份量都好少, 所以仲未有便便
dontee
 
文章: 37
註冊時間: 2012年 9月 16日, 01:25

Re: 老貓腹部有腫塊

文章dontee » 2012年 9月 18日, 13:08

上網google過,一般的practice都係話,貓比狗少有cancer,所以in general,貓身上的cancer係相對地較aggressive的

如果發現有lump, 會長大的,佢地都會define為cancer,係aggressive果隻;好似同判斷人類差唔多

貓話好叻mask their sickness and pain,一般性的理論都係咁講,仲有d sign列左出黎
但如果佢地理論果d sign,係我隻貓由細到大的習慣性行為,咁又點define呢?

有好多人都會話主人自私想法加於不懂語言的pet身上,而妄顧pet的心理同身理上的痛苦
而不斷求醫同延長佢地的生命,等同延長佢地的痛苦
但係咪如果隻pet, 仍然有心有意志想求生,係咪唔應該單方面覺得佢痛苦而了結佢呢?

有時會諗,換轉個對象係人類或佢地的重要的人,佢地站於專業的位置,係咪都一樣叫"啪"左佢地呢?
人係生命體,pet都係,唔同的只係,作為人類的位置,好多時都唔會對同樣的生命體,作對等的看待
dontee
 
文章: 37
註冊時間: 2012年 9月 16日, 01:25

Re: 老貓腹部有腫塊

文章cat88 » 2012年 9月 19日, 23:28

CANCER 化療對貓好大傷害,我覺得,與其0甘多,不如搵D 另類療法(就系你而家比雲芝,黑酵母,蟲草。。。。。。),希望可以減慢/停止/縮小個瘤0既生長速度,換句說話講,就系與個瘤同在,相安無事。

你比雲芝系CORRECT,雲芝先系打CANCER,靈芝系保健用! 雲芝陣味勁,1次吾比得太多,放膠囊喂得吾得?

至於VET,唉,有時站系距地立場黎睇,又真系有D慘,日日都要對住生離死別,就算最初好有愛心,熱血滿懷,睇得多可能就會麻木,好似人醫0甘。

呢個時間,比D好QUALITY 0既貓糧,SUPPLEMENT,水,同大量愛心! 加油!
貓 八 八 上
頭像
cat88
系統管理員
 
文章: 5036
註冊時間: 2008年 3月 28日, 09:49
來自: 火星

Re: 老貓腹部有腫塊

文章dontee » 2012年 9月 20日, 11:17

聽日會再去搵另一個獸醫聽意見,因為佢情況已經穩定過星期六好多
星期六番黎咁樣,我懷疑佢被打"懵仔針“;查實每次唔得即時帶走,例如要過夜或夜晚帶番佢走
番到黎都係一臉茫然,好似冇焦點咁搵出路,今次差成咁,唔多唔少都關佢其一隻腳已不良於行
又要係醫院被抽血灌藥.... 醫護人唔同屋企人,一定唔會溫柔對待;佢地細個我帶佢地打預防針
都領教同見倒d醫護人係點打針,係好求其搵個位大力插落去,痛到佢地即刻賴尿
仲要抽血係胡亂插針,一處唔得就插第二度,直至搵位抽倒為止....
呢幾日雖然冇之前咁驚同懵,但真係回復唔番未留院前,可以三腳跳同自己去廁所的狀況..... 心痛

雲芝d味唔夠黑酵母"臭“,不過唔餵得膠囊,其一係我自問係餵藥丸的情況下,真係冇用
所以我次次都係整到變粉溝野呃佢飲,咁樣對我黎講,點都比餵藥丸黎講,食落肚的藥會多d
其二係,呢幾日我force feed,佢都有叫做食野落肚,雖則好似粥仔咁,但真係有成星期冇便便了....
係醫院記得佢地話餵過開胃藥,係膠囊黎,都冇便便,個膠囊都仲未排番出黎呢
記得醫院有"估“,話可能係粒瘤壓住神經線,所以隻腳行唔倒冇力;同埋亦可能粒瘤的位置
令到佢做唔倒如廁的動作,令佢冇左便意,因為可能粒瘤阻住,點用力都唔出便便
我有要求照一照,睇下有冇便便塞都好,但佢地拒絕,佢地話照會好貴,同埋佢地唔打算做手術
即係醫生已認定我隻貓冇得救,唔好再花錢,不如啪左佢.... 我真係冇諗過係醫院會有咁的結果
一路都係佢地話收幾多,我連單都冇check就俾錢,亦冇話過貴,我一心想幫我隻貓
但點解佢地會咁想close file呢?

之前係醫院,我有問過,如果有食野冇便便要點做,佢地根本覺得我隻貓過唔倒呢個星期
所以冇任何suggestion.... 我記得留院當晚我去探佢時,見倒Dr Maggie坐在係度冇病人的
比著以前,佢實會過黎同我傾下,睇下有乜可以幫倒;但果日佢俾我感覺係:你千祈唔好過黎問我野咁...唉

我好信佢架,因為當日隻貓整爆左粒瘤時,佢肯聽個新診主人電話,仲要係朝早六七點喎
仲要俾我插隊,即日做手術;所以佢八月放長假,我都等到佢番黎,唔要第二個醫生睇佢
點知今次我錯了....當日我心目中的好醫生,已隨年月褪色了;又或者亦因為等佢番黎應診
而延遲左個診治的時間都唔定......唉

果邊d接待員助手咁,一向d服務態度都唔好,大部份都面黑黑
唔係個醫生我覺得好,我都唔會次次長途過海黎搵佢幫忙
以前會見好多應該係義工拎黎的街貓黎checking, 果時都聽見好多人讚
呢幾年去親就只見d富貴客名種貓咁,係咪利益真係會令熱誠退減呢........
又或人大了,自己細路又大了,所以已經唔會好似以前咁,花咁多心力係工作熱誠上
好似八八你話,見得太多,有時無論你點盡力幫,結果都係救唔番,仲要一個小小的身體接受不同的治療
就等同為左自己臨床經驗,而去折磨一個小生命,倒不如有能力作個了斷就由他去咁
我個人不太接受這種想法,換轉是人類,或是自己的寶貝,真的會這樣想嗎?我不認為
同埋現實d講,我選擇佢地較其他昂貴的收費,不是要找個舒適的地方去啪囉
比如我買名牌,都係買佢的quality;但個結果係咁,同埋佢地醫院對我隻貓的態度,我真係好失望
dontee
 
文章: 37
註冊時間: 2012年 9月 16日, 01:25

Re: 老貓腹部有腫塊

文章cat88 » 2012年 9月 20日, 23:24

餵食,餵藥,餵SUPPLEMENT,都系各司各法,因為自家的貓,就只有自家懂。

DR MAGGIE,幾年前我都帶貓睇過,診所好靚,不過因為系斜路上就要YOUNG上去囉,比我印象OK,肯同主人講解,商量,提議,用左好多時間,診所內有年輕靚仔,ASSISTANT 態度同行動都吾錯,幾年後,估吾到而家都此情不再。。。。。。
貓 八 八 上
頭像
cat88
系統管理員
 
文章: 5036
註冊時間: 2008年 3月 28日, 09:49
來自: 火星

Re: 老貓腹部有腫塊

文章dontee » 2012年 9月 20日, 23:47

年輕靚仔, 我估我知你講邊個, 冇做好耐了.....以前Dr Maggie係診所的時間最多, 而家連續星期六日都未必係度
05/06年初初見佢時, 真係感覺ok, 而家.......唉....... 又或者係我黑仔啦
dontee
 
文章: 37
註冊時間: 2012年 9月 16日, 01:25

Re: 老貓腹部有腫塊

文章dontee » 2012年 9月 21日, 16:11

今日帶左佢去另一間診所, after finding out 唔會對佢身體做成任何負擔時, 同佢做晒scanning and blood testing
結果係好差的, cancer virus似乎已擴散到其他地步, 今日的腎功能讀數是奇差
醫生話唔會有任何野做倒, 因為幾處地方都有感染
建議一: pull him down
建議二: 俾supplement但怕會反而養大個瘤
建議三: 留醫吊鹽水, 但怕佢見唔倒主人會更加唔開心影響病情, 同埋吊鹽水怕佢有機會會逼爆bladder

醫生話佢情況差, 應該都唔會活得耐
當下我見倒張片, 真係有衝動let him go, 實在太多地方出事, 佢一定好唔開心同唔舒服
但係佢仲肯吞食, 又自己飲水, 仲會叫我, 我真係唔捨得
最後都係問醫生拎左通便藥, 帶左佢番屋企, 如果佢肯吞食同冇其他特別症狀, 如抽筋咁
因為醫生話佢呢種病, serious時會抽筋的
我希望佢係我身邊/屋企度走.....

剩番幾多時間我唔知, 唯有珍惜每分每秒
dontee
 
文章: 37
註冊時間: 2012年 9月 16日, 01:25

Re: 老貓腹部有腫塊

文章cat88 » 2012年 9月 22日, 23:11

珍惜留下來的相處時光,掃距MASSAGE距,同距傾計。。。。。。影多D相,VIDEO。。。。。。

人間沒有不老不死的生命,牠們只是比我們早點離開。

REMARKS: SUPPLEMENT停,但雲芝不要停。
貓 八 八 上
頭像
cat88
系統管理員
 
文章: 5036
註冊時間: 2008年 3月 28日, 09:49
來自: 火星

Re: 老貓腹部有腫塊

文章dontee » 2012年 9月 23日, 00:03

雲芝真係唔知點俾佢, 佢先吸收倒, 因為雲芝d粉, 唔溶係水
如果痴左係throat, 佢會好唔舒服
連膠囊又唔得, 因為個瘤大已經頂住d腸, 以致冇便便出
食左d軟便劑, 都唔見有得出...唉
所以佢仲肯吞d粥仔狀的野, 起碼唔會係餓死...
而家已經會滴尿喇, 唔知佢係咪真係好辛苦呢? 真係唔知係咪俾佢繼續好......
dontee
 
文章: 37
註冊時間: 2012年 9月 16日, 01:25

Re: 老貓腹部有腫塊

文章dontee » 2012年 9月 23日, 00:14

而且我不斷問自己, 我係咪有權幫佢做決定去了結呢?

因為我們沒有共通的語言, 佢心意係點, 我根本唔會明白
有時亦會諗, 每個生命都有佢自己終結的結局, 係咪我有權去改寫呢?
我愛錫佢, 當然唔想佢受苦, 但其實佢自己又點諗呢? 可能佢情願苦, 都想係屋企自然離去呢?
又或者佢真係覺得好痛苦, 想即時離去呢? 我不知道...

有朋友曾經搵過一d話識同動物溝通的人, 但我不太想找他們
或者是我個人關係, 唔太想找這行業的人....

但我真的不知要怎樣做, 才能真正令他安心
dontee
 
文章: 37
註冊時間: 2012年 9月 16日, 01:25

Re: 老貓腹部有腫塊

文章cat88 » 2012年 9月 23日, 00:21

芸芝+水,用SYRINGE得吾得? 苦咖,好大能貓會發癲0甘FLING頭吾肯食,試0下啦。

你試0下自己同距溝通一下,睇下可吾可以知道距心意。
貓 八 八 上
頭像
cat88
系統管理員
 
文章: 5036
註冊時間: 2008年 3月 28日, 09:49
來自: 火星

下一頁

回到 貓 貓 的 疾 病 / 護 理 / 心 理 / 行 為 健 康 討 論 版

誰在線上

正在瀏覽這個版面的使用者:沒有註冊會員 和 2 位訪客